Maggi Haf í stuði, nú þarf að hreinsa og stagbæta grindurnar sem við notuðum 2007 því að þær voru geymdar úti allan þennan tíma og eru orðnar smá lasnar. Það er annsi gott að það sé kominn fastur punktur í tilveruna og hægt að láta sér hlakka til og vesenast í hlutunum svo að allt verði klárt þegar kemur að því að fara út í hjólatúrinn.

Komum nokkur saman til að skoða myndir og heyra sögur af Evrópu ferð 2009 hjá Stebba Björns og félögum hans, ekki vorum við svikin af hans frásögn því að hann hefur verið duglegur að ferðast um Evrópu og þekkir hana vel. Kominn er áfangi hjá okkur ferðafélögum sem ætlum að fara að hjóla um Evrópu um miðjan ágúst því að við erum búin að ganga frá flugi fyrir mannskapinn og er næsta skref að ath með skipaflutning fyrir hjólin. Óli Guð, Maggi Haf og ég með okkar skreytingar ætlum að krúsa um Evrópu á fjórðu viku og hafa það gott !!  

Búið að fara yfir hjólin hjá Óla Guð og mér og eru þau tilbúin fyrir sumarið. Skipt var um olíur og vökva á bremsum og kúplingu og farið yfir bremsuklossa og loftsíur. Nú svo var bætt á ljósasjóið :))

Ég mynni á að Kalli Óskars er farinn að kenna á bíl.

Er búinn að eiga þennan GPS í nokkra mánuði og fékk loksins andan yfir mig til að setja hann á hjólið. Þið megið ekki halda að ég sé ruglaður því að nú eru komnir tveir GPSar á hjólið, hugsunin á bakvið að láta annan GPS á hjólið er sú að nú get ég tengst tölvu með þann nýja til að færa leiðir og trök á milli tækja það er mjög gott þegar við Magga förum í útrás kannski í sumar. Nú svo er gott að geta haft mismunandi stærðir á kortum þegar maður er að ferðast. Einnig er MP3 spilari og símasvörun í nýja tækinu.

Magga að færa sig upp á skaftið, það styttist í að hún fer að hjóla sjálf og ég fer í aftursætið sem þurrskreyting :))
Kv Runar Sv,   var að setja myndir inn !!